Футбол бўйича ЖЧ—2018 ва Осиё Кубоги—2019 саралаши доирасида Ўзбекистон ва Филиппин терма жамоалари ўртасидаги беллашув учун чиқарилган чипталарнинг барчаси сотиб бўлинди. Бу ҳақда, учрашув ўтказиладиган «Бунёдкор» стадиони кассаларига асосланиб, «Championat.asia» нашри хабар бермоқда.
Хабар беришларича, учрашув бўладиган 24 март куни «Бунёдкор» стадиони кассалари ишламайди. Аввалроқ 34,8 минг томошабин учун мўлжалланган стадионда бўладиган ўйин учун 28 минг чипта сотувга чиқарилгани ҳақида хабар берилган эди.
Эслатиб ўтамиз, Ўзбекистон — Филиппин учрашуви 24 март куни Тошкент вақти билан соат 18:00 да бошланади.
Изоҳ (0)