Ўзбекистон миллий терма жамоаси бош мураббийи Самвел Бабаян Жаҳон чемпионати–2018 иккинчи саралаш босқичи доирасидаги сўнгги икки учрашув учун жамоанинг 23 футболчидан иборат таркибини маълум қилди. Бу ҳақда Ўзбекистон футбол федерацияси матбуот хизмати хабар бермоқда.
Ўзбекистон миллий терма жамоаси 24 март куни Филиппинга ҳамда 29 март куни Баҳрайнга қарши саралашнинг ушбу босқичидаги сўнгги икки ўйинини ўтказади.
Бу ўйинлар учун терма жамоа бош мураббийи кенгайтирилган таркибдан қуйидаги 23 футболчини танлаб олди.
Дарвозабонлар: Александр Лобанов («Персеполис», Эрон), Игнатий Нестеров («Локомотив»), Элдор Суюнов («Насаф»).
Ҳимоячилар: Даврон Ҳошимов («Пахтакор»), Анзур Исмоилов («Чанчун Ятай», Хитой), Егор Кримец («Пекин Гуоан», Хитой), Ислом Тўхтахўжаев («Локомотив»), Камолиддин Тожиев («Пахтакор»), Виталий Денисов («Локомотив», Россия).
Ярим ҳимоячилар: Жавоҳир Соҳибов («Пахтакор»), Одил Аҳмедов («Краснодар», Россия), Фозил Мусаев («Сепаҳон», Эрон), Сардор Рашидов («Ал-Жаиш», Қатар), Санжар Турсунов («Умм Салал», Қатар), Станислав Андреев («Пахтакор»), Отабек Шукуров («Бунёдкор»), Сервер Жепаров («Локомотив»), Жасур Ҳасанов («Локомотив»), Санжар Шоаҳмедов («Локомотив»), Элдор Шомуродов («Бунёдкор»).
Ҳужумчилар: Александр Гейнрих («Ордабаси», Қозоғистон), Игорь Сергеев («Пахтакор»), Марат Бикмаев («Локомотив»)
Эслатиб ўтамиз, ҳар икки ўйин ҳам «Бунёдкор» стадионида бўлиб ўтади. Ўйинлар Тошкент вақти билан 18:00 да бошланади.
Мавзуга оид:
- Ўзбекистон — Филиппин: Сато Рюжи ҳакамлик қилган ўйинларда Ўзбекистон жамоалари кўпроқ дуранг ўйнаган
- Достонбек Ҳамдамов ва Жалолиддин Машарипов соғлиғидаги муаммолар туфайли терма жамоа лагерини тарк этди
- Осиё Чемпионлар Лигаси—2016 да энг кўп гол урган ўзбекистонлик икки футболчи миллий терма лагерини тарк этди
Изоҳ (0)