Интернетда янги видео пайдо бўлди, унга илова қилинган изоҳда таъкидланишича, ушбу роликда FlyDubai компаниясига тегишли Boeing 737’нинг Ростов-Дон аэропортида ҳалокатга учраш жараёни акс этган, деб ёзади «РБК».
Ролик маҳаллий нашрлардан бири томонидан эълон қилинди, унинг ҳақиқийлиги тасдиқлангани йўқ.
Видео, гўёки, Ростов-Дон аэропорти яқинидаги Александровка микрорайонида туриб олинган. Кадрларда самолётнинг учиш-қўниш йўлагига урилиб, портлаб кетганини кўриш мумкин.
Эслатиб ўтамиз, 19 март, шанба куни FlyDubai авиакомпаниясига тегишли Boeing 737-800 лайнери Россиянинг Ростов-Дон шаҳри аэропортига қўниш вақтида ҳалокатга учради. Ҳодиса оқибатида самолёт бортида бўлган барча йўловчилар ва экипаж аъзолари ҳалок бўлган. Самолёт бортидаги йўловчилардан бири ўзбекистонлик бўлган.
Изоҳ (0)