Internetda yangi video paydo bo‘ldi, unga ilova qilingan izohda ta’kidlanishicha, ushbu rolikda FlyDubai kompaniyasiga tegishli Boeing 737’ning Rostov-Don aeroportida halokatga uchrash jarayoni aks etgan, deb yozadi “RBK”.
Rolik mahalliy nashrlardan biri tomonidan e’lon qilindi, uning haqiqiyligi tasdiqlangani yo‘q.
Video, go‘yoki, Rostov-Don aeroporti yaqinidagi Aleksandrovka mikrorayonida turib olingan. Kadrlarda samolyotning uchish-qo‘nish yo‘lagiga urilib, portlab ketganini ko‘rish mumkin.
Eslatib o‘tamiz, 19-mart, shanba kuni FlyDubai aviakompaniyasiga tegishli Boeing 737-800 layneri Rossiyaning Rostov-Don shahri aeroportiga qo‘nish vaqtida halokatga uchradi. Hodisa oqibatida samolyot bortida bo‘lgan barcha yo‘lovchilar va ekipaj a’zolari halok bo‘lgan. Samolyot bortidagi yo‘lovchilardan biri o‘zbekistonlik bo‘lgan.
Izoh (0)