Япония «совуқ уруш» даврида эксперимент мақсадида ўз ҳудудига келтирилган плутоний партиясини АҚШга юборади, дея хабар бермоқда «ТАСС».
Айни пайтда Ибараки префектурасидаги Токаимура ядро маркази омборида 331 кг плутоний сақланмоқда. У 40—50 та ядро ўқини тайёрлаш учун етарли бўлади. 21 март куни у ерга Британиянинг Pacific Egret кемаси етиб борди, у юқори радиоактив материалларни ташиш учун мўлжалланган.
Плутоний партияси тўлиқ ёки қисман юборилиши ҳозирча номаълум. Кема ҳаракати йўналиши ҳам хавфсизлик юзасидан ошкор этилмаяпти.
Ушбу плутоний АҚШнинг Жанубий Каролина штатидаги Саванна-Ривер ядро мажмуасида ишлатилиши кутилмоқда.
Изоҳ (0)