Ростов-Донда қулаган Boeing «қора қутилари» ёзувларини ўрганиш 21 март, душанба кунидан бошланади. Бу ҳақда Давлатлараро авиация қўмитаси (ДАҚ) вакили маълум қилди, дея хабар беради «РБК».
Мазкур жараёнда Бирлашган Араб Амирликлари мутахассислари авиакомпания жойлашган мамлакат, АҚШ экспертлари самолётни ишлаб чиқарган давлат ва Франция мутахассислари ҳаво кемаси двигатели тайёрланган юрт вакиллари сифатида иштирок этади.
Қўмита вакилининг билдиришича, ёзувларни ўрганиш бир ойга яқин вақтни олиши мумкин. Ушбу муддат «қора қути»лар ҳолатига ҳам боғлиқ.
Изоҳ (0)