Футбол бўйича Испания чемпионатининг «Вильярреал» ва «Барселона» ўйинига тушган мухлисалардан бирига меҳмонлар ҳужумчиси Лионель Мессининг зарбасидан сўнг шифокорлар ёрдами керак бўлди. Бу ҳақда «ТАСС» хабар бермоқда.
Месси узоқ масофадан зарба берди, лекин тўп дарвозага эмас, ишқибозлар орасида бўлган қизнинг юзига бориб тегди. Аргентиналикнинг зарбаси шунчалик кучли бўлдики, унга тиббий ёрдам кўрсатишга тўғри келди: у ўрнини тарк этаётиб, ҳушидан кетди. Le Figaro маълумотига кўра, қизнинг саломатлигига жиддий зарар етмаган.
Каталония клуби «Вильярреал» билан дуранг (2:2) ўйнаб, миллий биринчиликдаги мағлубиятсиз сериясини 23 ўйинга етказди (барча турнирларда 39). «Барселона» ўзининг энг яқин таъқибчиси — Мадриднинг «Атлетико» клубидан 9 очкога илгарилаб кетди.
Изоҳ (0)