«Барселона» ва «Арсенал» футбол клубларининг Европа Чемпионлар Лигаси нимчорак финал босқичи доирасида Лондонда бўлиб ўтган дастлабки учрашувида Каталония клуби 2:0 ҳисобида муваффақият қозонганди. «Камп Ноу»даги беллашувда ҳам Луис Энрике шогирдлари икки тўп фарқи билан ғалаба қозонди.
16 март, чоршанба куни бўлиб ўтган жавоб учрашувда ҳисоб 18-дақиқада Неймар томонидан очилган бўлса, 52-дақиқада Муҳаммад ал-Неннининг саъй-ҳаракатлари эвазига Лондон клуби мувозанатни тиклади.
«Арсенал» йўлланма учун яна иккита гол уриши керак эди, бироқ якунда ўзи иккита гол ўтказиб юборди. «Барселона»нинг ҳужум чизиғидаги триосидан Суарес ва Месси ҳам ўз номига биттадан гол ёзиб қўйди.
Бунга қадар «Вольфсбург» (Германия), «ПСЖ» (Франция), «Бенфика» (Португалия), «Реал» (Испания) каби жамоалар ҳам нимчорак финалнинг ҳар икки беллашувида ғалаба қозониб, чорак финал йўлланмасини қўлга киритган эди.
Европа Чемпионлар Лигаси Нимчорак финал, жавоб учрашуви 16 март, чоршанба«Барселона» (Испания) — «Арсенал» (Англия) 3:1 (1:0)
Голлар: Неймар, 18 (1:0). Муҳаммад Эл-Ненни, 51 (1:1). Луис Суарес, 65 (2:1). Лионель Месси, 88 (3:1).Огоҳлантиришлар: Матьё Фламини, 32 (А). Габриэль Паулиста, 35 (А). Алексис Санчес, 50 (А). Арда Туран, 79 (Б). Оливье Жиру, 85 (А).«Барселона»: 1. Марк-Андре тер Штеген, 4. Иван Ракитич (7. Арда Туран, 77), 5. Серхио Бускетс, 6. Дани Алвеш, 8. Андрес Иньеста (20. Серхи Роберто, 72), 9. Луис Суарес, 10. Лионель Месси, 11. Неймар, 14. Хавьер Маскерано, 18. Хорди Алба, 24. Жереми Матьё.
«Арсенал»: 13. Давид Оспина, 5. Габриэль Паулиста, 6. Лоран Косельни, 11. Месут Ўзил, 17. Алексис Санчес, 18. Начо Монреаль, 20. Матьё Фламини (34. Франсис Коклен, 45), 23. Денни Уэлбек (14. Тео Уолкотт, 73), 24. Эктор Белерин, 35. Муҳаммад Эл-Ненни, 45. Алекс Аюоби (12. Оливье Жиру, 72).
Изоҳ (0)