Тошкент шаҳридаги Олой бозорида кенг миқёсли қайта қуриш ишлари бошлаб юборилди, деб хабар беради UZ24.
Душанба, 29 февраль куни аҳоли бозор ҳудудидаги қатор эски иншоотлар бузилаётганини хабар қилди. Реконструкция ишлари озиқ-овқат савдоси олиб бориладиган павильондан бошланган.
Аввалроқ Олой бозорида кенг миқёсли қайта қуриш амалга оширилиши ҳақида хабар берилган эди. Савдо нуқталарининг «ҳаммаси бирда» шаклида ихчамроқ ва қулайроқ жойлашувини ташкил этиш режалаштирилмоқда. Қурилиш ва таъмирлаш ишларини 2016 йилнинг август ойи охиригача тугатиш кўзда тутилган.
Бундан ташқари, Миробод бозорида ҳам реконструкция ишлари олиб борилади, у ерда асосий бино янгиланади. Икки бозордаги таъмирлаш ишларига жами 15 миллиард сўм ажратилган.
Изоҳ (0)