Россия бозорида автомат узатиш қутили энг арзон автомобиль бўлиши кутилаётган ва Ravon бренди остида сотиладиган R2 хэтчбекининг нархлари эълон қилинди. Бу ҳақда «UfaTime.ru» хабар бермоқда.
Автомобилнинг 1,25 литрли, 4 цилиндрли, 85,5 от кучига эга двигатель ва минимал комплектациядаги Comfort AT версияси баҳоси 369 минг рубл (тахминан 4920 доллар)дан бошланади.
Optimum AT версиясида харидор иккита ўрнига тўртта хавфсизлик ёстиқчаси, эшикларни блокировка қилиш тугмалари, пассив сигнализация, борт компьютери, кондиционер ва бошқа қулайликларга эга бўлади. Бундай машина нархи 439 минг рублдан (5850 доллар атрофида) бошланади.
Elegant деб номланган максимал комплектацияда олдинги версияларга қўшимча олтита хавфсизлик ёстиқчаси, олдинги ўриндиқларнинг иситилиши, олти колонкали аудиотизим, тўртта эшикда электр ойна кўтаргичлар, рулга ўрнатилган аудиотизимни бошқариш пульти таклиф этилади. Бундай автомобилга 469 минг рубль (6250 доллар атрофида) ва ундан юқори нарх белгиланган.
Автодилерлар Ravon R2 учун 10 мартдан бошлаб буюртмалар қабул қилиши билдирилмоқда.
Изоҳ (0)