Ҳиндистон шимолида жойлашган Харьяна штатидаги оммавий исёнлар оқибатида беш кун ичида 28 киши ҳалок бўлди, 250 нафарга яқин одам яраланди. Бу ҳақда полиция раҳбарининг маълумотига таяниб, «ТАСС» хабар беради.
«Ўтган жума, 19 февраль куни юзага келган ҳамда беш кун давом этган оммавий тартибсизликлар оқибатида 28 киши ҳалок бўлди. 250 дан ортиқ одам жароҳат олди. Полиция суриштирувлари натижасига кўра, 127 нафар фаол ташкилотчи ҳибсга олинди. 535 нафар исёнчига нисбатан суриштирув ишлари олиб борилмоқда», — деди полиция раҳбари Яш Пал Сингал.
Тўқнашувларда, шунингдек, 20 дан ортиқ полициячи жабрланди.
Эслатиб ўтамиз, аввалроқ ушбу исёнлар оқибатида 19 кишининг ҳалок бўлганлиги ҳақида маълум қилинган эди.
Изоҳ (0)