Ўзбекистонда Sony компаниясининг янги смартфони — Xperia M5 сотила бошлади, дея хабар бермоқда «Mobinfo.uz».
Xperia линейкасидаги бошқа моделлар каби, М5 чанг ва намликдан ҳимоя, шунингдек, тез ишга тушиш функцияси бўлган кучли камерага эга бўлди. Телефон дизайни компаниянинг сўнгги флагман моделлари руҳида яратилган.
М5 5 дюйм ва 1920×1080 пикселли IPS-дисплей, 64 битли саккиз ядроли MediaTek Helio X10 процессори, 3 Гб тезкор ва 16 Гб доимий хотира (+microSD), 21,5 мегапикселли асосий ва 13 мегапикселли олд камера, 2600 мА/соат сиғимли аккумуляторга эга бўлди.
Смартфон Android 5.0 операцион тизимида ишлайди. Қурилманинг ўлчамлари 145×72×7,6 мм, оғирлиги 143 граммга тенг.
Тошкентдаги «Флешка» савдо мажмуасида бир йўла иккита SIM-картада ишлай оладиган Sony Xperia M5 2,5 миллион сўмдан сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)