«Одноклассники» ижтимоий тармоғи Smart TV учун дастур ишлаб чиқарди, уни фойдаланувчилар Samsung телевизорларининг ушбу функцияга эга барча моделларига ўрната олади. «ОК Видео» деб номланувчи дастур ижтимоий тармоқда рўйхатдан ўтишни талаб қилмайди ҳамда бутун дунё бўйлаб Samsung Smart TV дастурлари дўконида мавжуд. Келажакда «Одноклассники» бошқа телевизор ишлаб чиқарувчилари платформасига мос тушадиган дастурни ҳам чиқаришни режалаштирмоқда.
Дастурда блогерлар ва ижтимоий тармоқ фойдаланувчилари томонидан юкланган видеороликларни ҳам, ҳамкорлар тақдим этадиган профессионал контент — кино, сериал, мультфильмларни ҳам, шунингдек, телеканаллар тўғридан-тўғри эфирлари ва «Одноклассники»даги гуруҳлар ўтказадиган онлайн-трансляцияларни ҳам томоша қилиш мумкин бўлади. Дастурда барча контент томошабинларга бепул ва рекламасиз равишда тақдим этилади.
«ОК Видео»да биринчи бўлиб «РБК», «Дождь», LifeNews, «Мир» ва «360 Подмосковье» телеканаллари кўрсата бошлайди.
Бошланғич саҳифага энг оммабоп каналлар ва видеороликлар, шу жумладан, блогерлар каналлари, шоу ва теледастурлар, сериаллар, ҳажвий видеолар, пазандалик дастурлари, шунингдек, ТВ-каналлар бевосита эфирлари жойланади. Дастурда «Ҳафтанинг топ видеолари», «Янги видеолар», «Тўғридан-тўғри эфир», «Видеоблогерлар», «Сериаллар» ва бошқа бўлимлар бўйича қидирув учун меню мавжуд бўлади.
Роликларни томоша қилиш вақтида томошабин тезлаштириб ўтказиш, кейинги роликка ўтказиш ва видео сифатини ўзгартириш каби стандарт функциялардан фойдаланиши мумкин. Видео сифатининг максимал даражаси — Ultra HD (4К). Шу билан бирга, дастур автоматик равишда интернет тезлиги ва ТВ-экран ҳажмидан келиб чиқиб, кўриш учун оптимал сифатни ўрнатади.
Реклама ҳуқуқи асосида
Изоҳ (0)