Чеченистон раҳбари Рамзан Қодиров ўз Instagram’ида боксчи Руслан Чагаев Лукас Браунга қарши эртагаёқ рингга чиқишга тайёр эканлигини таъкидлади. Шунингдек, машғулотлар акс этган видеолавҳани жойлади.
«Машғулотларда қатнашиб, жангларини кўриб, шундай хулосага келдимки, у ботир ва иродали курашчи. Бугун Руслан дунёнинг таниқли боксчилари билан спарринглар ўтказди. У эртагаёқ Лукас Браун билан рингга чиқишга тайёр эканлигига ишончим комил», — дея қайд этди у.
Қодиров ўз пости сўнгида халқаро турниргача кам вақт қолганини айтиб, у 5 март куни «Колизей» спорт саройида ўтказилишини эслатди.
Аввалроқ Чеченистон раҳбари шу йилнинг март ойида Грознийнинг «Колизей» спорт саройида ўтказиладиган бокс кечаси тафсилотлари ҳақида маълумот берган эди.
Қодировнинг таъкидлашича, жангга тайёрланаётган спортчилар билан мураббий Педро Диаз, боксчилар Гильермо Ригандо ва Тайрон Спонглар шуғулланмоқда.
Изоҳ (0)