Боливия фуқаролари 21 февраль, якшанба куни Эво Моралесга президентлик лавозимининг учинчи муддатига сайланиш имкониятининг берилиши масаласида референдум ўтказади. Бу ҳақда «Интерфакс» хабар беради.
Моралес парламент томонидан ўтган йили маъқулланган конституцияга ўзгартиришни тасдиқлатиш учун референдум ташкил этди. Президентнинг сўзларига қараганда, унга учинчи муддат ижтимоий ислоҳотларни якунига етказиш учун зарур. Мухолифат бу ташаббусни аксилдемократик деб ҳисобламоқда.
«Якшанба куни биз ғалаба қозонамиз», — деди Моралес кампания чоғида. Унинг иккинчи муддати 2020 йилда якунланади, бироқ халқнинг қўллаб-қувватлаши унинг ҳокимиятда 2025 йилгача қолишига имкон беради.
Изоҳ (0)