Кремль Олланднинг «Россия ва Туркия ўртасидаги уруш хавфи» ҳақидаги баёнотини «ўринсиз» деб атади
Россия президенти матбуот котиби Дмитрий Песков Франция президенти Франсуа Олланднинг Анқара томонидан Сурия ҳудуди ўққа тутилиши туфайли Россия ва Туркия ўртасидаги уруш хавфи ҳақидаги баёнотини шарҳлар экан, масаланинг бундай қўйилишини «ўринсиз» деб атади. Бу ҳақда «РБК» хабар бермоқда.
Фото: «РИА Новости»
«Масаланинг бундай қўйилишини ўзи бироз ўринсиз. Биласиз, у ерда мазкур ҳудуддаги курдлардан ташқари, Сурия қуролли кучлари ҳам ўққа тутилмоқда. Биз Сурия ва Туркия чегарасидаги кескинлик кучайиб бораётганидан хавотирдамиз», — дея таъкидлаган Песков.
Изоҳ (0)