Кремль БМТ Хавфсизлик кенгаши Россиянинг Сурия бўйича резолюциясини маъқулламаганидан афсус билдиради. Бу ҳақда Россия президентининг матбуот котиби Дмитрий Песков маълум қилди, дея хабар беради «РБК».
«Мазкур резолюция лойиҳаси қўллаб-қувватланмаганидан фақат афсус билдириш мумкин. Шундай бўлса-да, Россия Сурияда барқарорлик, ҳудуд яхлитлигини таъминлаш, терроризмга қарши курашга қаратилган изчил, очиқ-ойдин ва тушунарли сиёсатни амалга оширишда давом этади»,—дея таъкидлаган Песков.
Россия БМТ Хавфсизлик кенгашига Сурия суверенитети ва ҳудудий яхлитлигини бузувчи ҳаракатларни тўхтатиш талаб этилган резолюция лойиҳасини тақдим этган, бироқ олти мамлакат, жумладан, тақиқ ҳуқуқига эга бўлган Франция ва АҚШ ҳужжатни маъқулламаганди.
Изоҳ (0)