Дональд Трамп АҚШ президентлигига «пойгалар»да етакчи позициясини сақлаб турибди, унинг асосий икки рақиби — Техас штатидан сенатор Тед Круз ва Флорида штатидан сенатор Марко Рубио — сезиларли даражада ортда қолмоқда. Бу ҳақда CBS телекомпанияси умуммиллий сўрови натижаларига таяниб, «ТАСС» хабар бермоқда.
Трампни ёқлаб 35 фоиз сўров иштирокчилари овоз берган бўлса, уларнинг 18 фоизи Крузни, 12 фоизи Рубиони қўллаб-қувватлади. Огайо штати губернатори Жон Кейсик 11 фоиз, нейрожарроҳ Бен Карсон 6 фоиз, Флорида штати собиқ губернатори Жеб Буш 4 фоиз овозга эга бўлди.
Сўровнома натижалари республикачи сайловчилар Трампни сайловда ғалаба қозониш учун реал имкониятларга эга даъвогар деб ҳисоблашини кўрсатди. Дастлабки сайловларда қатнашган республикачи сайловчиларнинг 53 фоизи ана шундай фикрда. Ўтган йил июлида Трамп сайловолди курашига қўшилганини энди эълон қилган пайтда бу кўрсаткич 26 фоизни ташкил этган эди.
Изоҳ (0)