Google компаниясининг вице-президенти Сундар Пичаи ва WhatsApp компанияси бош директори Ян Кум ФҚБга Сан-Бернардинодаги террорчи iPhone’ни ҳимоясини бузишда ёрдам беришни рад этган Apple компаниясини қўллаб-қувватлади. Бу ҳақда «РИА Новости» хабар беради.
Аввалроқ Apple корпорацияси шу пайтга қадар террорчилардан бири Саид Фаруқнинг мобил ускунаси маълумотларига бузиб кира олмаётган ФҚБ ходимларига махсус дастурий таъминот тақдим этиши талаб қилинганлиги ҳақида маълум қилинган эди.
Шундан сўнг, корпорацияси раҳбари Тим Кук жиноятчининг телефон ҳимоясини бузишда ёрдам бериш борасидаги суд қарорига расмий эътироз билдирилишини таъкидлаб ўтган эди.
«Биз бу хавфли ҳодисанинг амалга ошишига йўл қўймаслигимиз лозим. Бугун бизнинг мустақиллигимиз ва эркинлигимиз таҳдид остида қолмоқда», — деб ёзди Ян Кум Facebook’даги саҳифасида.
Ундан кейин Google компаниясининг вице-президенти Сундар Пичаи ҳам Apple компаниясини қўллаб-қувватлаб, Тим Кукнинг баёнотини муҳим деб атади.
Изоҳ (0)