Олимлар биринчи марта инсон органларини 3D-принтерда чоп қилди

Америкалик олимлар гуруҳи биопринтер ишлаб чиқиб, унда қулоқ, шунингдек, суяк ва мускул тўқималари намуналарини чоп этишга муваффақ бўлди, дея хабар бермоқда TJournal.

Устига-устак, чоп этиш орқали олинган органларни мутахассислар кемирувчиларга муваффақиятли тарзда кўчириб ўтказди. Икки ҳафтадан сўнг мушаклар каламушларда асаблар шаклланишига олиб келди, суяк имплантатлари эса қон томирлари тизимини шакллантира олди, бироқ бунга кўпроқ вақт — бир неча ой керак бўлди.

Бу олимлар 3D-принтер ёрдамида, «сиёҳ» сифатида тирик ҳужайралардан фойдаланилган ҳолда, тана қисмлари ва тўқималарни табиий катталикда яратиши билан боғлиқ биринчи ҳолатдир.