АҚШ шифохонаси серверларини эгаллаб олган хакерларга 17 минг доллар тўлади
Голливуддаги (АҚШ, Калифорния) тиббиёт маркази компьютер тизими нормал фаолиятини қайта тиклаш учун хакерларга 17 минг доллар ҳақ тўлади. Бу ҳақда Las Vegas Sun нашри маълумотларига таяниб, «РИА Новости» хабар беради.
Компьютер узилишлари билан боғлиқ ҳодиса Лос-Анжелесдаги пресвитериан тиббий марказида 5 февраль куни бошланган эди. Кейинроқ жиноятчилар тизимга киришни бутунлай блоклаб қўйиб, уни қайта тиклаш учун 3,6 миллион доллар тўлашни талаб қилган эди.
«Тиббий муассасанинг манфаатларини кўзлаб, тизимимиз ва маъмурий функцияларни тезроқ қайта тиклаш учун 40 биткоин, яъни 16 минг 664 доллар миқдоридаги ҳақ тўланди», — дейди марказ раҳбари Аллен Стефанек.
Ҳодиса юзасидан суриштирув ишларига ФҚБнинг кибержиноятчиликка қарши курашиш бўлими ҳам қўшилди. Ҳозирги пайтда таниқли хакерлик гуруҳларидан қай бири ушбу жиноятни содир этганлиги номаълум.
