Москва полицияси сиёсатчи Михаил Касьяновга уюштирилган ҳужум ҳолати бўйича маъмурий ишни текширмоқда, деб ёзади «ТАСС».
«Ҳа, гап маъмурий иш ҳақида бормоқда», — деди сиёсатчининг адвокати бошқа тафсилотларни маълум қилмаган ҳолда.
Нашрнинг ҳуқуқни муҳофаза қилиш органларидаги манбаси маъмурий иш Россия Маъмурий жавобгарлик тўғрисидаги кодексининг «Майда безорилик» моддаси бўйича олиб борилаётганига аниқлик киритди. Ушбу модда бўйича 500 рублдан минг рублгача бўлган маъмурий жарима солинади ёки 15 суткагача маъмурий ҳибсга олинади.
Манбага кўра, текширувдан сўнг полиция жиноий иш қўзғатиш учун асослар топа олмаган.
Эслатиб ўтамиз, 9 февраль, сешанба куни Москва марказидаги ресторанда кавказликларга ўхшаш қиёфадаги номаълум шахслар Касьяновга торт улоқтирган. Сўнг уларни кўчада кутиб турган кишилар билан бирга машинага ўтириб, жўнаб кетган.
Изоҳ (0)