Gollivuddagi (AQSh, Kaliforniya) tibbiyot markazi kompyuter tizimi normal faoliyatini qayta tiklash uchun xakerlarga 17 ming dollar haq to‘ladi. Bu haqda Las Vegas Sun nashri ma’lumotlariga tayanib, “RIA Novosti” xabar beradi.
Kompyuter uzilishlari bilan bog‘liq hodisa Los-Anjelesdagi presviterian tibbiy markazida 5-fevral kuni boshlangan edi. Keyinroq jinoyatchilar tizimga kirishni butunlay bloklab qo‘yib, uni qayta tiklash uchun 3,6 million dollar to‘lashni talab qilgan edi.
“Tibbiy muassasaning manfaatlarini ko‘zlab, tizimimiz va ma’muriy funksiyalarni tezroq qayta tiklash uchun 40 bitkoin, ya’ni 16 ming 664 dollar miqdoridagi haq to‘landi”, — deydi markaz rahbari Allen Stefanek.
Hodisa yuzasidan surishtiruv ishlariga FQBning kiberjinoyatchilikka qarshi kurashish bo‘limi ham qo‘shildi. Hozirgi paytda taniqli xakerlik guruhlaridan qay biri ushbu jinoyatni sodir etganligi noma’lum.
Izoh (0)