Туркия ҳарбий самолётлари 15 февраль, душанба куни бир неча бор Греция ҳаво чегараларини бузган. Бу ҳақда «Европейская правда» хабар бермоқда.
Туркларнинг олтита қирувчи ва транспорт самолёти Эгей денгизининг шарқий ва марказий ороллари ҳудудида 20 маротабадан зиёд ҳаво чегарасини бузиб ўтган. Камида икки марта грек ҳарбий самолётлари уларнинг ноқонуний ҳаракатларига чек қўйиш учун осмонга кўтарилган.
Мазкур ҳодиса НАТОнинг Эгей денгизида муҳожирлар оқими ва уларни ноқонуний олиб ўтилишига қарши операцияси арафасида юз берган. Афина Анқара ушбу денгиздаги иштирокини кенгайтириш учун муҳожирлар билан боғлиқ вазиятдан фойдаланишидан хавотир билдирган.
Изоҳ (0)