Канизанинг шов-шувли ўтиши кутилаётган концерт дастури, таваллуд айёми ва тўй оқшомининг баннери тайёр бўлди. Баннерда Канизани доимгидек ноанъанавий қиёфада кўриш мумкин, деб ёзади «Даракчи.uz».
Нашр бўлажак тадбирга яна бир бор аниқлик киритиш мақсадида хонанда билан боғланди.
— Каниза концерт баннерингиз ҳам тайёр бўлибди, тўйингизни «Истиқлол» саҳнасида ўтказиш фикридан қайтмадингизми?— Йўқ.
— Бунга куёв ҳам розими?— Ҳа, зўрға розилик берди, кўндиришим осон кечмади.
— «Ўзбекнаво»чи?— Шу «Ўзбекнаво» рухсат бермаяпти-да...
— Хўш, унда нима қиладиган бўлдингиз?— Ҳаммаси имконият даражасида бўлади.
— Тўйни ҳамма қатори бирор ресторанда ҳам нишонлашни режалаштирдингларми?— Ҳа, албатта. Концертдан сўнг.
— Шу куннинг ўзидами?— Йўқ, кейинроқ. Балки бу тадбирни хорижда нишонлармиз... Буни вақт кўрсатади.
— Тўй либосингизни танладингизми? Қанчага тушди?— Танладим. Ҳозирда уни италиялик дизайнер тайёрламоқда, нархи сир бўла қолсин.
Изоҳ (0)