15 февраль, душанба куни Тошкентда ўтказилаётган футзал бўйича Осиё чемпионатининг «C» ва «D» гуруҳларида 3-тур ўйинлари ўтказилиб, мусобақанинг гуруҳ босқичи ўйинлари якунига етди.
«Uff.uz» нашри хабарига кўра, «C» гуруҳидаги Таиланд терма жамоаси Вьетнамни 3:1 ҳисобида енгди ва гуруҳда биринчи ўринни эгаллади, Вьетнам эса иккинчи бўлди. Хитой Тайпейи ва Тожикистон термалари эса дуранг ўйнаб, учинчи ва тўртинчи ўринда қолди.
«D» гуруҳида Япония ва Австралия ўртасидаги баҳсда кунчиқар юрт вакиллари 3:1 ҳисобида ғалаба қозониб, гуруҳда биринчи бўлди. Австралия эса 6 очко билан иккинчи ўринда қолди. Гуруҳдаги нариги баҳсда Қатар терма жамоаси Малайзияни 6:2 ҳисобида енгди, аммо ҳар иккала жамоа ҳам гуруҳдан чиқа олмади, деб ёзади «Uff.uz».
Изоҳ (0)