Икки ҳафта аввал дўсти йўлбарс Амур билан олишувда жабрланган эчки Тимурга кўрик хонасидан жавоб берилди. У йўлбарсларни кўриш учун ташриф буюрганлар ўтувчи боғга жойлаштирилди. Бу ҳақда Приморье сафари боғи директори Дмитрий Мезенсевнинг маълумотига таяниб, «ТАСС» хабар беради.
«Тимур тўлиқ соғайиб кетди. Энди у йўлбарслар сақланувчи вольерларга қараб йўл олган ташриф буюрувчилар ўтувчи боғда яшамоқда», — деди боғ директори.
Куни кеча Приморье сафари боғига Тимур учун жуфтликка номзод икки ёшли эчки Манька келтирилди. Бошқа номзодлар олиб келингунча у чўчқалар билан вольерда сақланади. «Тимур жуфтини ўзи танлайди», — деб таъкидлади боғ директори.