Шуҳрат Қаюмов ҳозирги қўшиқлар орасида «адабиётга дахли йўқ одамлар»нинг ишлари кўпайганини танқид қилди

Ўзбекистонда хизмат кўрсатган артист, сухандон ва хонанда Шуҳрат Қаюмовнинг фикрича, ҳақиқий ижод маҳсуллари вақт ўтгани билан, ўз қадрини йўқотмайди. Бу ҳақда «Бекажон» газетаси хабар бермоқда.

«Афсуски, ҳозирги қўшиқлар орасида адабиётга дахли йўқ одамларнинг ‘қаламига мансуб’ сўзлар жамланмаси анча кўпайган. Уларда на қофия, на маъно бор. Булар, албатта, вақтинчалик», — деди Ўзбекистонда хизмат кўрсатган артист Шуҳрат Қаюмов.

«Ҳақиқий ижод маҳсуллари эса асрлар ўтса-да ўз ўрнини йўқотмайди, янги тингловчилар, янги авлодларни ўзига жалб этиб бораверади. Мисол учун, мақом ашулаларимиз узоқ асрлардан бери яшаб келаётган бўлса, айрим бастакорларнинг яратган қўшиқлари ҳозирги пайтда мақомларимиз даражасига кўтарилган», — деди Шуҳрат Қаюмов.