Facebook ижтимоий тармоғи асосчиси ва раҳбари Марк Цукерберг 8 февралга ўтар кечаси нишонланадиган Баҳор байрами (Ой тақвими бўйича Янги йил) муносабати билан видеотабригини эълон қилди, деб ёзади «ТАСС».
Роликда миллиардер рафиқаси Присцилла Чан ва икки ойлик қизи Макс билан барча фойдаланувчиларни хитой тилида табриклади.
Цукерберг Ой тақвими бўйича Янги йилни оиласи ва дўстлари даврасида нишонлашини айтиб, бу Янги йил қизи Макс учун ҳам жуда муҳим эканлигини таъкидлади. «Чунки биз у учун хитойча исм танладик. Унинг исми Чэнь Минъюй. Чэнь — унинг онасининг фамилияси, Минъюй эса ‘эртага’ ва ‘олам’ сўзлари иероглифидир, бу бизнинг бутун дунё учун янада ёруғ келажак ҳақидаги умидларимизни англатади», — деди у.
Нашр таъкидлашича, Хитой ҳудудида Facebook тақиқланган. Бироқ Хитой ОАВлари хитой тили ва маданиятини ўрганаётган Марк Цукерберг ҳаётини фаол тарзда ёритиб боради.
Изоҳ (0)