Албания саноат мақсадларида дарахт кесишни ўн йилга тақиқлади, деб ёзади «Интерфакс» мамлакатнинг атроф-муҳит масалалари бўйича вазирлигига таяниб.
Мораторий Албания парламенти томонидан маъқулланган: ушбу қарорни ёқлаб 140 депутатдан 101 нафари овоз берган.
Қонунбузарлар ўн йиллик қамоқ ва 36 минг еврогача бўлган жаримага маҳкум этилиши мумкин.
Ушбу тақиқ Европадаги энг қашшоқ мамлакатлардан бирида экологик офат олдини олиш мақсадида жорий қилинди. Мамлакат ҳукумати, шунингдек, Албанияда ўрмонлар йўқолиб кетишига сабаб бўлган ноқонуний дарахт кесишга қарши курашиш мажбуриятини олди.
Истисноли ҳолатларда ҳукумат уйларни иситиш учун дарахтларни кесишга рухсат бериши мумкин.
Изоҳ (0)