Виталий Денисов: Мен билан «Лацио» қизиқаётгани ҳақидаги хабар қаердан пайдо бўлганини билмайман

Москванинг «Локомотив» клубида тўп сураётган Ўзбекистон миллий терма жамоаси ҳимоячиси Виталий Денисов россиялик журналистларга берган интервьюсида «Лацио» жамоасининг қизиқиши борасида ўз фикрларини билдириб ўтди, деб хабар беради «Uff.uz».

- Сизга Европанинг қайси чемпионатлари ёқади?- Англия ва Германия чемпионатлари.

- Италия чемпионатичи?- Италия чемпионатидан охирги пайтларда ҳафсалам пир бўлмоқда.

- Шу сабабли сизнинг «Лацио»га ўтишингиз мумкинлиги ҳақидаги миш-мишлар камайиб қолдими?- Умуман олганда, бундай миш-мишлар қаердан пайдо бўлганини билмайман. «Трабзонспор»га ўтишим ҳақида ҳам шундай гап-сўзлар юрганди.

- «Лацио» ёмон вариант эмас-ку...- Албатта, ёмон вариант эмас. Аммо реал таклиф бўлгандан кейингина бу борада ўйлаб кўриш мумкин. Ҳозирча эса муҳокама қилишнинг ҳожати йўқ... Менга қолса, Англиянинг «Манчестер Юнайтед», «Арсенал», «Эвертон» клубларида ўйнашни истардим...