«Ишлаётган хато қилади», — деган сийқаси чиққан гап билан вақтингизни олмоқчи эмасмиз. Тан оламиз, биздан хатолик ўтди — тунги навбатчилик вақтида муаллиф адашиб, «2001» ўрнига «2011» деб ёзиб юборган, мусаҳҳиҳ эса, бахтга қарши, бу хатоликни пайқамаган.
Бироқ келажакда бундай ҳолатлар такрорланмаслиги йўлида тинимсиз ҳаракатдамиз — фактлар билан боғлиқ хатоликлар қайд этилмаслиги ҳамда Сизга энг мақбул ахборотни етказиш учун энг яхши муаллифларни, имловий хатолар бўлмаслиги учун эса энг яхши мусаҳҳиҳларни «Дарё»га жалб этяпмиз.
Агар «Дарё»нинг бирор саҳифасида имловий ё факт билан боғлиқ хатоликни кўрсангиз, ижтимоий тармоқлардаги саҳифаларимиз ёки info@simple.uz электрон почта манзили орқали бу ҳақда бизга билдиринг — биз уни албатта тўғрилаймиз ва Сизнинг бу борадаги ёрдамингизни юксак қадрлаймиз.
Биз танқид ва таклифлар учун очиқмиз. Уларни кўриб чиқиш, керакли хулоса чиқариш ва ўз тажрибамизни янада оширишдан чарчамаймиз. Айнан Сизнинг ўринли танқидларингиз, қимматли тавсияларингиз ва фойдали таклифларингиз туфайли «Дарё» бугунги даражасига етиб келди.
Хатолик учун Сиздан узр сўраймиз.
Фарҳод Файзуллаев,«Дарё» интернет-нашри раҳбари
Изоҳ (0)