Седанга айланган Chevrolet Spark, Ойбек ва Нигора учун маънавият дарслари, Путин ролидаги Ди Каприо ва куннинг бошқа муҳим янгиликлари

3 февралнинг муҳим янгиликлари — «Дарё»нинг кечки дайжестида.

1. Ўзбекистонда ижтимоий тармоқлардан алкогол ва тамаки рекламаси йўқотилади. Хусусийлаштириш, монополиядан чиқариш ва рақобатни ривожлантириш давлат қўмитаси ижтимоий тармоқларда алкогол ва тамаки маҳсулотлари рекламасини жойлаштирган баъзи ташкилотларга нисбатан иш қўзғатди.

2. Цукерберг дунёдаги энг бадавлат одамлар рўйхатида тўртинчи ўринга кўтарилди. Рўйхатда биринчи ўринда турган Microsoft асосчиси Билл Гейтс йил бошидан бери «атиги» 5,1 миллиард доллар йўқотди.

3. Деҳлида Chevrolet Spark’нинг седан версияси намойиш этилди. Ҳиндистон пойтахтида Spark’нинг ҳақиқий бенефиси бўляпти — Spark-седандан ташқари ҳар қандай йўлда юра оладиган (салкам жип!) Spark ҳам намойиш этилди.

4. Путин Ди Каприонинг Россия президенти ҳақидаги фильмда бош ролни ўйнаш режасидан бехабар. Куни кеча Knightsbridge Entertainment кинокомпаниясининг «Путин» номли фильмида Леонардо Ди Каприо Россия президенти ролини ўйнашга розилик бергани ҳақида хабар тарқалган эди.

5. Ойбек ва Нигора маънавият дарсларига келмаганлиги учун «Ўзбекнаво» томонидан огоҳлантирилгани маълум бўлди. Яна, Дилфуза Исмоилованинг огоҳлантирилишига унинг «сариқ кийимдаги расмлари» ҳам сабаб бўлган, Тамиланинг қайтиб лицензия олиши эса «жуда қийин масала».Смартфоншунослар учун бонус — Тест: Смартфонни ташқи кўринишидан фарқлай оласизми?