Сурия пойтахти Дамашқда юз берган учта теракт қурбонлари сони 76 кишига етди, 110 киши яраланди. Бу ҳақда Сурия ички ишлар вазирлиги берган маълумотларга асосан «РИА Новости» хабар қилмоқда.
Маълум қилинишича, пойтахтдаги шиаларнинг Саида Зайнаб номли маҳалласида 31 январь, якшанба куни учта портлаш юз берди. Террорчилар автомашинага ўрнатилган портловчи мосламани масофадан туриб ишга тушириб биринчи терактни содир этган ва шу вақтда яна бир террорчи-худкуш ўзини йўловчи автобусида портлатиб юборган. Бир неча дақиқадан кейин, яна бошқа бир худкуш ўзини портлатиб юборган.
«Ал Жазира» телеканалининг таъкидлашича, юз берган терактларни ИШИД гуруҳи ўз зиммасига олди.
Эслатиб ўтамиз, мазкур терактларнинг қурбонлари 60 кишидан ошганлиги хабар қилинган эди.
Изоҳ (0)