Ўзбекистон миллий терма жамоаси февраль ойидаги қисқа муддатли ўқув-машғулот йиғини давомида Ливанга қарши ўртоқлик учрашуви ўтказиши режалаштирилган. 13—15 февраль кунларига мўлжалланган йиғинга 21 нафар футболчи жалб этилган. Бу ҳақда Ўзбекистон футбол федерацияси матбуот хизмати хабар бермоқда.
Таъкидлаш керакки, февраль ойидаги йиғинга легионерлар жалб қилинмади.
Ливанга қарши учрашув 14 февраль куни Бирлашган Араб Амирликларининг Дубай шаҳрида бўлиб ўтади.
Ўзбекистон миллий терма жамоасининг навбатдаги расмий ўйинлари Жаҳон чемпионати—2018 иккинчи саралаш босқичи доирасида март ойида бўлиб ўтади. Бабаян шогирдлари 24 март куни Филиппинни, 29 март куни эса Баҳрайнни Тошкентда қабул қилади.
Қуйида Ўзбекистон миллий терма жамоасининг 13—15 февраль кунлари бўлиб ўтадиган йиғинига жалб этилган футболчилар рўйхатини келтириб ўтамиз.
Дарвозабонлар: Игнатий Нестеров («Локомотив»), Элдор Суюнов («Насаф»).
Ҳимоячилар: Даврон Ҳошимов («Пахтакор»), Ислом Тўхтахўжаев («Локомотив»), Камолиддин Тожиев («Пахтакор»), Шерзод Аъзамов («Насаф»), Азимжон Аҳмедов («Пахтакор»), Станислав Андреев («Пахтакор»), Акромжон Комилов («Бунёдкор»).
Ярим ҳимоячилар: Жавлон Мирабдуллаев («Бунёдкор»), Жавоҳир Соҳибов («Пахтакор»), Жамшид Болтабоев («Пахтакор»), Отабек Шукуров («Бунёдкор»), Сервер Жепаров («Локомотив»), Жасур Ҳасанов («Локомотив»), Достон Ҳамдамов («Бунёдкор»), Санжар Шоаҳмедов («Локомотив»), Элдор Шомуродов («Бунёдкор»), Шуҳрат Муҳаммадиев («Насаф»).
Ҳужумчилар: Игорь Сергеев («Пахтакор»), Марат Бикмаев («Локомотив»).
Изоҳ (0)