GM Uzbekistan акциядорлик жамиятининг Хоразм филиали томонидан бугунги кунгача қарийб 49 минг Damas, 2 минг 984 дона Orlando ва 1 минг 431 та Labo автомобиллари ишлаб чиқарилди. Бу ҳақда Урганчда бўлиб ўтган 2015 йил якунлари ва 2016 йилда Хоразм вилоятини ижтимоий-иқтисодий ривожлантиришнинг асосий йўналишларига бағишланган фаоллар йиғилишида маълум қилинди, деб хабар беради UZ24.
Шунингдек, UzXMG қўшма корхонаси томонидан 233 қишлоқ хўжалик техникаси, жумладан, 149 экскаватор, 72 бульдозер ва 12 юк ортгич техникаси ишлаб чиқарилди.
Эслатиб ўтамиз, GM Uzbekistan компанияси Chevrolet Labo кичик ўлчамдаги юк ташиш машинасини Ўзбекистон мустақиллигининг 24 йиллиги арафасида тақдим этган эди.
Изоҳ (0)