«Барселона» ва Аргентина термаси футболчиси Лионель Месси унинг футболкасини полиэтилен пакетдан ясаб олган ироқлик болага ёрдам бермоқчи эканлиги ҳақидаги хабар қирғизистонлик ижтимоий тармоқ фойдаланувчилари орасида фаол муҳокама қилинди. Бу ҳақда Қирғизистоннинг «Интимак» ҳудудий телерадиокомпанияси сайти хабар бермоқда.
Ижтимоий тармоқ фойдаланувчиларининг бир қисми сурат ироқлик болага тегишли эканлигини рад этмоқда ва суратда Қирғизистоннинг Алайкуу ҳудудида яшовчи бола тасвирланганини таъкидламоқда. Бошқа фойдаланувчилар эса сурат Қозоғистонда олинганини айтмоқда.
«Интимак» ҳудудий телерадиокомпаниясининг қайд этишича, целлофандан ясалган футболка кийиб олган бола сурати «Одноклассники» ва Facebook’даги ёпиқ гуруҳлардан тарқалган. Телерадиокомпания таҳририяти ҳозирча бу сурат айнан қирғизистонлик болага тегишли эканлигини тасдиқлай олмаслигини, бироқ инкор ҳам қила олмаслигини таъкидлаган.
Изоҳ (0)