Ҳиндистоннинг Ченнай шаҳрида ўз тарихида саккизинчи бор ташкил этилган шахмат бўйича анъанавий Chennai Open халқаро турнири якунига етди. Мазкур турнирда Ўзбекистон шарафини ҳимоя қилган халқаро гроссмейстер Марат Жумаев якунда 10-ўринни эгаллади, деб хабар беради «Оламспорт».
Кеча, 25 январь куни мусобақада 10-тур ўйинлари бўлиб ўтди. Афсуски, ҳал қилувчи ўйинда Марат Жумаев мағлубиятга учраб, совринли ўринлардан бирини қўлга киритиш имкониятидан маҳрум бўлди. Агар Жумаев россиялик Владимир Белоусни мағлуб этганида, аниқ кучли учликдан жой оларди. Лекин тажриба ва рейтингдаги устунлик ўз сўзини айтди. Оқ доналарда ўйнаган Белоус баҳсни ғалаба билан якунлаб, 8,5 очко тўплаган ҳолда турнир ғолибига айланди.
Ўнта учрашувда 6 та ғалаба, иккита дуранг ва шунча мағлубият қайд этган Марат Жумаев 7 очко билан турнир жадвалида қўшимча кўрсаткичларга кўра 10-ўрин билан кифояланди.
Изоҳ (0)