Тошкент шаҳрида 25 январь, душанба куни ҳаво ҳарорати кундузи +18 даражагача кўтарилиши мумкин. Бу ҳақда «Ўзгидромет» хабар бермоқда.
25 январга ўтар кечаси Ўзбекистон бўйлаб иқлим шароити салқин бўлиши кутилмоқда, фақат тоғли ҳудудларда ҳаво ҳарорати 0 даражадан паст бўлади (-3). Қолган барча ҳудудларда кечаси ҳаво ҳарорати +5...+7 даражагача илиқ бўлади.
25 январь куни кундузи Қорақалпоғистон Республикаси, Хоразм вилояти, тоғли ҳудудларда +10 даражагача, Фарғона водийси вилоятларида +15 даражагача, Тошкент, Самарқанд, Жиззах, Сирдарё вилоятлари ва Тошкент шаҳрида +18 даражагача, Бухоро ва Навоий вилоятларида +19 даражагача, Қашқадарё ва Сурхондарё вилоятларида эса +20 даражагача илиқ бўлиши кутилмоқда.
Хабар беришларича, 25 январь куни Қорақалпоғистон Республикаси ва Хоразм вилоятида вақти-вақти билан ёмғир ёғиши мумкин, бошқа ҳудудларда ёғингарчилик кутилмайди.
Изоҳ (0)