Россия стратегик ядро кучлари 10 та бомбардимончи самолётга эга бўлди

Россия Федерацияси стратегик ядро кучлари ўнта модернизацияланган «Ту-160», «Ту-95» ва «Ту-22» стратегик бомбардимончиларига эга бўлди, дея хабар бермоқда «РИА Новости» Россия Қуролли кучлари Бош штаби бошлиғи армия генерали Валерий Герасимовга таяниб.

«Биз янги қурол-яроғ воситаларини, янги ракеталарни қўлга киритмоқдамиз… Биз Ҳарбий-денгиз флоти таркиби учун стратегик мақсаддаги иккита янги ракета крейсери — ‘Александр Невский’ ва ‘Владимир Мономах’га эга бўлдик. Саноатдан авиацион стратегик ядро кучлари учун ўнта модернизацияланган стратегик бомбардимончилар олинди, булар ‘Ту-160’, ‘Ту-95’ ва ‘Ту-22’», — деди Герасимов.