Facebook’даги «Водители Ташкента» гуруҳи фойдаланувчилари томонидан одатда тракторларга тиркаладиган тиркамани тортиб кетаётган Chevrolet Cobalt сурати эълон қилинди.
«Андижон — мана шунақа», — деб изоҳ қолдирган, суратни гуруҳга жойлаштирган фойдаланувчи. Баъзи фойдаланувчилар Cobalt бундай тиркамани торта олишига шубҳа билдирган, бир фойдаланувчи эса бу ҳолат ҳайдовчининг ҳам, атрофдагиларнинг ҳам хавфсизлиги учун таҳдид эканлигини қайд этган.
Аксарият фойдаланувчилар бу суратга ҳазил билан ёндашиб, Chevrolet Cobalt’лар энди мана шундай катта аравалари билан бирга тавсия қилинаётгани ҳақида фикр қолдирган, бир фойдаланувчи суратга: «Тракболт», — дея таъриф берган. Фикр билдирганлар орасида машинага ачинганларни топса бўлади.
Аввалроқ, Самарқандда тюнинг натижасида кўриниши BMW’никига ўхшаб қолган Chevrolet Cobalt ҳаракатланаётгани ҳақида хабар берилган эди.
Изоҳ (0)