Тузатилди: Бир литри 13 центдан арзон бензин, болалар меҳнатидан фойдаланган Apple ва Samsung, тақиқланган мини-юбка ва куннинг бошқа муҳим янгиликлари

19 январнинг муҳим янгиликлари — «Дарё»нинг кечки дайжестида.

1. Қорақалпоғистон ва Хоразмда 20 январь куни ҳаво ҳарорати +15 даражагача кўтарилади. 20 январь куни Ўзбекистонда ёғингарчилик кутилмайди, баъзи жойларга туман тушиши мумкин.

2. АҚШнинг Хафтон-Таун шаҳрида бир литр бензин нархи 13 центдан ҳам пасайиб кетди. Умуман, нефть бозорида ғалати ишлар бўляпти. Мана, Япония 40 йиллик танаффусдан сўнг яна АҚШдан нефть харид қилишни бошлади.

3. Япония компанияси Тўрақўрғон ИЭС қурилишида ёрдам беради. Эслатиб ўтамиз, Наманган вилоятида 1,1 миллиард долларлик лойиҳа амалга оширилмоқда.

4. Apple, Samsung ва Sony болалар меҳнатидан фойдаланганликда гумон қилинмоқда. Энг йирик электроника ишлаб чиқарувчилар болалар меҳнати орқали қўлга киритиладиган кобалт (кумушранг металл)ни сотиб олишда гумон қилинмоқда.

5. Танзания президенти мамлакатда мини-юбка кийишни ман этди. Масалан, Дилноза Кубаева ҳам калта юбка кийган қизларни кўрганида уялиб кетаркан.

Изоҳ: Хабарнинг дастлабки таҳририда «АҚШда бир литр бензин нархи 10 центдан ҳам пасайиб кетди» сарлавҳаси остида ноаниқ ахборот берилган. Бунинг учун муштарийларимиздан узр сўраймиз.