19-yanvarning muhim yangiliklari — “Daryo”ning kechki dayjestida.
1. Qoraqalpog‘iston va Xorazmda 20-yanvar kuni havo harorati +15 darajagacha ko‘tariladi. 20-yanvar kuni O‘zbekistonda yog‘ingarchilik kutilmaydi, ba’zi joylarga tuman tushishi mumkin.
2. AQShning Xafton-Taun shahrida bir litr benzin narxi 13 sentdan ham pasayib ketdi. Umuman, neft bozorida g‘alati ishlar bo‘lyapti. Mana, Yaponiya 40 yillik tanaffusdan so‘ng yana AQShdan neft xarid qilishni boshladi.
3. Yaponiya kompaniyasi To‘raqo‘rg‘on IES qurilishida yordam beradi. Eslatib o‘tamiz, Namangan viloyatida 1,1 milliard dollarlik loyiha amalga oshirilmoqda.
4. Apple, Samsung va Sony bolalar mehnatidan foydalanganlikda gumon qilinmoqda. Eng yirik elektronika ishlab chiqaruvchilar bolalar mehnati orqali qo‘lga kiritiladigan kobalt (kumushrang metall)ni sotib olishda gumon qilinmoqda.
5. Tanzaniya prezidenti mamlakatda mini-yubka kiyishni man etdi. Masalan, Dilnoza Kubayeva ham kalta yubka kiygan qizlarni ko‘rganida uyalib ketarkan.
Izoh: Xabarning dastlabki tahririda “AQShda bir litr benzin narxi 10 sentdan ham pasayib ketdi” sarlavhasi ostida noaniq axborot berilgan. Buning uchun mushtariylarimizdan uzr so‘raymiz.
Izoh (0)