Shimoliy Koreya bilan bog‘liq muammo shu yil may oyida Yaponiyaning Mie prefekturasida bo‘lib o‘tadigan G7 sammiti mavzularidan biriga aylanadi. Bu haqda mamlakat bosh vaziri Sindzo Abe Nikkei va The Financial Times gazetalariga bergan intervyusida ma’lum qilgan, deya xabar beradi “TASS”.
“Bu dunyo harakatlanishi lozim bo‘lgan yo‘nalishlar muhokama etiladigan va belgilab beriladigan anjuman. Unda jahon iqtisodiyotidagi beqarorlik, terrorizm, KXDR, Yaqin Sharqda ro‘y berayotgan voqealar, iqlim o‘zgarishi va qashshoqlik kabi mavzular muhokama etilishini istardim”, — deya ta’kidlagan Abe.
Bosh vazirning aytishicha, Shimoliy Koreya yangi yadro sinovini o‘tkazganligiga javoban qabul qilinadigan BMT Xavfsizlik kengashining yangi rezolyutsiyasiga keskin choralar kiritiladi va Yaponiya ham shunday ruhdagi choralarni joriy etadi.
Izoh (0)