Футбол бўйича Ўзбекистон олимпия терма жамоаси бош мураббийи Самвел Бабаян U-23 Осиё чемпионати гуруҳ босқичи 2-тури доирасида Ироққа қарши учрашувда майдонга тушадиган футболчилар номини эълон қилди. Бу ҳақда ЎФФ матбуот хизмати хабар бермоқда.
Жанубий Кореяга қарши 1-тур учрашувидаги таркиб билан таққослаганда, бу сафар асосий таркибда, асосан ҳимоя чизиғида бир қатор ўзгаришлар юз берди. Жумладан, ўтган ўйинда ҳимоя марказида ҳаракат қилган Максимилиан Фомин ўрнини Жавлон Мирабдуллаев эгаллади.
Жанубий Кореяга қарши учрашувда қизил карточка олгани учун, Ироққа қарши ўйинда майдонга туша олмаган Жамшид Болтабоев ўрнини эса, ҳимоячи Сардор Раҳмонов тўлдирган. У биринчи учрашувда захирадан ўйинга қўшилган эди.
Дарвоза, ярим ҳимоя ва ҳужум чизиғида ўзгариш бўлмаган. Ироққа қарши майдонга тушадиган таркиб: Абдумавлон Абдужалилов — Сардор Раҳмонов, Жавлон Мирабдуллаев, Владимир Козак, Акрамжон Комилов — Отабек Шукуров, Жавоҳир Соҳибов, Элдор Шомуродов, Жамшид Искандеров, Достонбек Ҳамдамов — Игорь Сергеев (жамоа сардори).
Эслатиб ўтамиз, Ўзбекистон ва Ироқ олимпия терма жамоалари ўртасидаги учрашув 16 январь, шанба куни Тошкент вақти билан 21:30 да бошланади. Учрашувни уммонлик ҳакамлар гуруҳи бошқариб боради. «Дарё» мазкур учрашувдан матнли онлайн уюштиради.
Изоҳ (0)