Бугун, 17 январь куни «Китоб олами» марказида Ўзбекистон халқ ёзувчиси Тоҳир Маликнинг «Меҳмон туйғулар», «Фалак» ва «Зулмат салтанати» китобларининг тақдимоти бўлиб ўтди. Ёзувчи ўзбекистонлик футболчилар ҳақида ҳам фикр билдирди. Унинг сўзларини «Ziyouz.uz» асосчиси, журналист Давронбек Тожиалиев Facebook’даги саҳифасида келтириб ўтди.
«Месси, Роналду деган футболчиларнинг майдондаги ҳар бир хатти-ҳаракатини компьютер ҳисоблаб боради. Улар битта ўйинда 15—16 километр югураркан. Тинимсиз меҳнат қилади. Шунча югурганига яраша, натижаси ҳам яхши бўлади.
Бизнинг думбул футболчиларимизнинг энг яхшиси ҳам 5 километр зўрға югуради. Шунга яраша натижани ҳам кўраверасизлар. Кеча ҳам ютқизишди-ку. Уларнинг ҳаммасининг бўйнига омоч бойлаб, далада қўш ҳайдатиш керак. Сизлар шулар каби танбал бўлиб қолманглар!», — деди Тоҳир Малик.
Эслатиб ўтамиз, Ўзбекистон олимпия терма жамоаси қитъа чемпионатининг 2-турида Ироққа имкониятни бой берганидан кейин Олимпиада йўлланмалари учун курашдан четга чиқди.
Изоҳ (0)