Рустам Эмомали 2020 йилгача Тожикистон футбол федерацияси президенти лавозимига қайта сайланди

Тожикистон Футбол федерациясининг амалдаги президенти Рустам Эмомали 2020 йилгача раҳбарлик лавозимига қайта сайланди. Бу ҳақда Asia-Plus хабар беради.

Қайта сайлаш Тожикистон Футбол федерациясининг (TFF) Душанбеда бўлиб ўтган сайлов-ҳисобот конференциясида амалга оширилди.

Унда сўзга чиққан Рустам Эмомали тожик футболининг ҳисобот давридаги муваффақиятларини санаб ўтди.

TFF президенти лавозимига бошқа номзодлар бўлмаганлиги учун Рустам Эмомали номзоди учун барча – 64 нафар делегат овоз берди. У илк бор TFF президентлиги лавозимига 2012 йилнинг январида сайланган эди.