15 январь, жума куни «Аш-Шабоб» жангарилари Сомали жанубидаги Африка Иттифоқи тинчликпарвар кучларининг ҳарбий базасига ҳужум қилди. Бу ҳақда «РИА Новости» хабар бермоқда.
Маълумотларига кўра, худкуш террорчи бошқарган миналаштирилган автомобиль база дарвозасига келиб урилган, шундан сўнг жангарилар ичкарига кирган ва жанг бошланган.
«Жангчиларимиз ўқотар қуроллар ёрдамида отишмага киришди. База биз томонимиздан эгалланган», — дея маълум қилган гуруҳ вакили Абдуазис Абу Мусаб.
Африка Иттифоқи вакиллари Сомали пойтахти Могадишодан тахминан 550 километр узоқликда рўй берган мазкур ҳодисага ҳозирча изоҳ бермаган.
Изоҳ (0)