12 январь, сешанба куни Қатарда футбол бўйича U-23 Осиё чемпионати старт олди. 13 январь, чоршанба куни эса Ўзбекистон олимпия терма жамоаси ушбу мусобақадаги юришини бошлайди.
«Дарё» интернет-нашри Рио—2016 Олимпиадаси йўлланмаларига муносиб энг кучли уч жамоа номи маълум бўладиган мусобақа ҳақида ахборот бериб боради. Шу мақсадда махсус «U-23 Қатар—2016» рукни очилди.
Ушбу рукнда U-23 Осиё чемпионати учрашувлари натижалари, мураббий ва футболчиларнинг фикрлари, мухлисларнинг муносабатлари, фоторепортажлар ҳамда видеохабарлар билан танишиш мумкин бўлади.
Ўзбекистонлик футболчилар иштирокидаги ўйинлар алоҳида қизиқишга сабаб бўлишини инобатга олиб, «Дарё» интернет-нашри Ўзбекистон олимпия терма жамоасининг ҳар бир ўйинидан матнли онлайн-трансляция уюштиради.
Онлайн-трансляцияларнинг дастлабкиси 13 январь, чоршанба куни, Ўзбекистон ҳамда Жанубий Корея олимпия терма жамоалари ўртасидаги «C» гуруҳи 1-тур учрашувидан ташкил этилади. Трансляциянинг асосий қисми Тошкент вақти билан 21:30 дан бошланади.
Янгиликлар «Дарё»сидан четда қолиб кетманг!
Изоҳ (0)