12-yanvar, seshanba kuni Qatarda futbol bo‘yicha U-23 Osiyo chempionati start oldi. 13-yanvar, chorshanba kuni esa O‘zbekiston olimpiya terma jamoasi ushbu musobaqadagi yurishini boshlaydi.
“Daryo” internet-nashri Rio—2016 Olimpiadasi yo‘llanmalariga munosib eng kuchli uch jamoa nomi ma’lum bo‘ladigan musobaqa haqida axborot berib boradi. Shu maqsadda maxsus “U-23 Qatar—2016” rukni ochildi.
Ushbu ruknda U-23 Osiyo chempionati uchrashuvlari natijalari, murabbiy va futbolchilarning fikrlari, muxlislarning munosabatlari, fotoreportajlar hamda videoxabarlar bilan tanishish mumkin bo‘ladi.
O‘zbekistonlik futbolchilar ishtirokidagi o‘yinlar alohida qiziqishga sabab bo‘lishini inobatga olib, “Daryo” internet-nashri O‘zbekiston olimpiya terma jamoasining har bir o‘yinidan matnli onlayn-translyatsiya uyushtiradi.
Onlayn-translyatsiyalarning dastlabkisi 13-yanvar, chorshanba kuni, O‘zbekiston hamda Janubiy Koreya olimpiya terma jamoalari o‘rtasidagi “C” guruhi 1-tur uchrashuvidan tashkil etiladi. Translyatsiyaning asosiy qismi Toshkent vaqti bilan 21:30 dan boshlanadi.
Yangiliklar “Daryo”sidan chetda qolib ketmang!
Izoh (0)